រឿងព្រេងទាក់ទងនឹងពីធីសែនព្រះភូមិ និងរដូវធ្វើស្រែ
រហូតមកដល់សព្វថ្ងៃនេះ នៅកន្លែងខ្លះក្នុងប្រទេសកម្ពុជា តែងកាលណាមានភ្លៀងធ្លាក់សើមដីល្មមអាចប្រកបរបរធើស្រែបានហើយ គេនៅក្នុងស្រែរបស់គេដើម្បីអោយស្រូវបានផលច្រើន ហើយគេតែងហៅពិធីនេះថា សែនព្រះភូមិ។ ទំនៀមសែនព្រះភូមិនេះ តាមការស្រាវជ្រាវបានអោយដឹងថា មានទាក់ទងតាំងពីពុទ្ធសម័យមកម្ល៉េះ។ ប៉ុន្តែកាលណោះគេបូជានាង យក្ខនីដើម្បីសួរដំណឹងទឹកភ្លៀង ។ លុះយូរៗមកអ្នកស្រុកភ្លេចរឿងដើមក៏ស្មានថា កាសែនព្រះភូមិនេះ គឺសែនអោយទេវតាដែលរក្សាផែនដីនេះទៅវិញ ប៉ុន្តែទោះបីជាយល់ដូច្នោះក៏ដោយក៏មិនខុសឆ្ងាយចាកហេតុដើមប៉ុន្មានដែរ រឿងនេះមានតំណាលដូចតទៅ:
ក្នុងសម័យពុទ្ធកាល មានកុដុម្ពិក:ម្នាក់ជាអ្នកមានស្ដុកស្ដម ប៉ុន្តែពួកគាត់គ្មានកូនម្នាក់សោះ។ មាតារបស់កុដុម្ពិក:ត្រិះរិះក៏យល់ថា ''បើអញគ្មានចៅ តើបាននរណាតវង្សត្រកូល និងរក្សាទ្រព្យសម្បត្ថិតទៅទៀត'' ។ ភរិយានោះគិតថា ''បើប្ដីអញមានប្រពន្ធចុងហើយនាងនោះមានកូល គេមុខជាបានគ្រប់គ្រងទ្រព្យសម្បត្ដិធ្វើជាធំក្នុងផ្ទះនេះពុំខាន ឯខ្លួនអញប្រាកដជាបាត់មុខមាត់ពុំមានអ្នកណារាប់អានឡើយ ។ បើដូច្នោះអញគួរចេញមុខទៅស្ដីដណ្តឹងប្រពន្ធជំនួសម្ដាយក្មេកដើម្បីអោយនាងប្រពន្ធចុងនោះគេគោរពកោតខ្លាចអញ'' ៕
បន្ទាប់មកនាងនោះក៏ចូលទៅនិយាយនឹង ម្ដាយក្មេកដើម្បីធានាទៅដណ្ដឹងប្រពន្ធអោយប្រី ៕ ម្ដាយក្មេកក៏យលព្រម ។ លុះមានប្រពន្ធថ្មីមកមិនយូរប៉ុន្នាននាងប្រពន្ធចុងនោះក៏មានគភ៍មែន ។ នាងប្រពន្ធដើមដឹងដូច្នោះក៏ផ្សំថ្នាំលាយនិឹងចំណីអោយនាងនោះបរិភោគ ។ កូនដែលទើបតែនឹងចាប់បដិសន្ធិនៅក្នុងផ្ទៃនាងនោះក៏រលូតចេញមកមួយលើកជាពីរលើក ។ លុះលើកទីបីឪសថដែលនាងប្រពន្ធដើមផ្សំអោយនោះមិនត្រឹមតែធ្វើអោយអន្ដរាយដល់ទារកទេ ថែមទាំងបណ្តាលអោយមានគ្រោះថ្នាក់ដល់ជីវិតម្ដាយទៀតផង ។
0 Comments:
Post a Comment